Наркограффити жарнамасы үшін қылмыстық жауаптылық
Қазақстан Республикасы Бас прокуратурасының тапсырмасымен «Заң және Тәртіп» бағдарламасын іске асыру аясында және нашақорлық пен есірткі қылмысына қарсы күрес мақсатында елорда прокуратурасының үйлестіруімен құқық қорғау органдары халықтың денсаулығына және моральдық құндылықтарға қарсы қылмыстарды анықтау және алдын алу, оның ішінде граффити анықтау және жою бойынша белсенді жұмыс жүргізуде.
Полиция қызметкерлері Абылай хан даңғылы, 6/7 үй мекен-жайында 50 мың теңге табыс табу жөніндегі жарнама жазылған наркограффити жарнамалық парақшалары бар тұрғынды ұстады.
Ол уақытша ұстау изоляторына қамалды.
Келесі жағдайда, Орынбор көшесі, 12 үй мекен-жайында «жасырушы» ретінде жұмыс істеуге қатысты QR-кодпен жапсырылған заңсыз жарнама орналастыру фактісі анықталды.
Жедел-іздестіру іс-шаралары барысында қала тұрғыны есірткі құралдарын таратуды насихаттайтын арнада жұмыс істеп, табыс табу мақсатында «Telegram» мессенджері арқылы тіркеліп, қала бойынша QR-кодтары бар жапсырмаларды басып шығарып, жапсырумен айналысқаны анықталды.
Аталған фактілер бойынша ҚК-нің 299-1-бабы (алдын ала сөз байласу арқылы адамдар тобы жасаған есірткі құралдарын, психотроптық заттарды немесе сол тектестерді, прекурсорларды насихаттау немесе заңсыз жарнамалау) бойынша сотқа дейінгі тергеп-тексеру басталды.
Бұл бағыттағы жұмыс жалғасуда.
Есірткі құралдарын, психотроптық заттарды немесе сол тектестерді, прекурсорларды насихаттау немесе заңсыз жарнамалау үшін үш жылдан алты жылға дейін бас бостандығынан айырып, мүлікті тәркілеу түріндегі қылмыстық жауаптылық көзделген.
#Заң_мен_Тәртіп
#Заңбәрінеортақ
Астана қаласының прокуратурасы
[xfvalue_img]
